Arcadia is ‘n tuisonderrig sentrum wat ‘n nuwe dimensie aan ons onderwysreis bring. Hier bied ons ‘n omgewing waar leerders die geleentheid kry om hul verskeie tuisonderrigprogramme te volg in ‘n gefokusde en ondersteunende omgewing. Ons glo in die individuele behoeftes van elke leerder en in die belangrikheid van ‘n persoonlike benadering tot onderrig.

By Arcadia bestuur leerders hul eie tuisonderrigprogramme, vanaf die leerstof wat hulle volg tot die tempo waarteen hulle werk. Ons span bied ondersteuning en riglyne, en ons sorg vir die nodige internettoegang en hulp waar dit benodig word. Hierdie vryheid om jou eie leerreis te beheer, gekombineer met ons ondersteuning, maak dit moontlik vir leerders om te floreer.

Ons bied ‘n veilige en gestruktureerde omgewing waar leerders van alle ouderdomme, van 6 tot 18, hulle tuisonderrigprogramme kan volg. Dit is ‘n plek waar jou kind sy unieke talente en passies kan ontdek en ontwikkel.

Elke leerder is verantwoordelik vir sy of haar eie rekenaar of tablet, en tuisonderrigprogram. Arcadia is geregistreer by die HomeSchool Association of Namibia – C131020230020WON.